Elon Musk旗下的 SpaceX因為老闆另一邊Tesla車廠太過親中，接受中國的財政支持而可能不利於美國國家安全，擔心連Nasa都間接受到中國影響就麻煩。所以美國正審議一項監管太空總署的法案限制SpaceX，不過呢種咁政治的議題日後更多消息再跟進.。講返SpaceX及其最新的Starlink全球衛星計劃，大家不如即時公投答下你會選擇Starlink網絡上網定萬里晴空天文學觀星重要？話說數以百計天文學家都批評投訴Starlink 衛星計劃擾亂夜空產生光害阻礙天文學家觀星，全球連接上網的宏願原來係有代價，會妨礙觀察太空影響科學觀測，正所謂上網與觀星不可兼得時，上網觀星係咪好些？

大家可能都已經知道， Starlink 計畫發射 3 萬幾個衛星圍繞地球，以便將高速網路傳送到地球所有角落，這個咁偉大目標正步步呈現，但數以百計的天文學家警告Starlink 之類的衛星計畫可能對天文學和科學進步產生巨大影響。現在 Starlink 衛星網路大約有 500 幾個，經常成為擾亂夜空的禍首。天文學家指人造衛星天體的亮度干擾科學觀測。

當然，科學都有科學的方法去解決，SpaceX 一直都係度尋求快速解決方案，包括測試幾種降低 Starlink 衛星亮度方法。例如今年 6 月開始，所有新發射的衛星都配備遮光遮陽板，等這些衛星在天空中不會反射光被發覺。不過上個月天文學界迎接每 6,800 年穿越地球一次的彗星 Neowise時，就發覺因為 Starlink 衛星而被阻礙視線，根據Business Insider 上刊登的彗星照片顯示，除左彗星本身之外，照片仲上有一片衛星軌跡造成的長條狀網絡，天文學家對此表示不滿。

科學家們指出減少影響的方法包括讓衛星變暗、讓衛星反射較少的陽光，以便去除天空中可見的衛星踪跡、使其保持低位，但最好的方式係唔好再發射。即係呢唔好再想用 Starlink 計畫將全球連上超強大的WiFi網絡，咁全世界的人唔能夠享受網絡方便目的就為左方便天文學界觀星？？反正，天文學家大概係咁的意思，你點睇？