月頭嘅時候同大家介紹過，AllRightReserved將會於本港舉行「多啦A夢漫畫時光周年企劃」，而今日就確認會於9月4日至15日，於銅鑼希慎廣場舉行。

「多啦A夢漫畫時光周年企劃」屬紀念多啦A夢連載50週年活動之一，屆時會場將設有「「多啦 A 夢漫畫時光」限定店，出售一系列限定精品。當中包括亞洲首發、全高38cm、限定1,000盞嘅「多啦 A 夢觸控燈」，造型更係多啦A夢拎住50週年漫畫書。

另外亦有限量150枚嘅木板原畫，以及多款首次推出的漫畫經典角色毛絨公仔。

要留意嘅係，為保障公眾健康及符合限聚令要求，限定店將實施人流管制，並採用網上登記，分時段讓已登記者優先進場，如果你冇登記，就要去現場等後補。再唔係呢，都可以直接上DDT Store購買相關產品。