{ SKIP }
文:MenClub 摯樂  圖:互聯網
POSTED ON 22 Sep 2020
【可能改變世界】台灣新創「ARKVO」推出空氣過濾飲水機濕氣變水飲之不盡

介紹一個劃時代新家電,「空氣飲水機」正式面世,台灣近日有個新創家電「ARKVO」正式推出「空氣過濾飲水機」,將空氣中濕氣抽入轉換過濾成飲用水,係水機、空氣清新機同抽濕機三合一,超「堅」!不過如果商業保密程度唔夠,呢個新產品日後係淘寶大行其道,相信可以解決中國內地食水資源嚴重不足的難題,中國濕度可能大降50%。當然又可能呢間「ARKVO」品牌成為另一間蘋果般的科技大企業,當然希望唔會係另一間「Nikola」!


令我關注呢個新產品一個重要原因係佢非常適合係香港的環境使用,空氣清新機、 抽濕機 、過濾飲水機都係香港家庭非常重要的三寶,如果真係有一個產品可以三合一,將空氣中濕氣轉換成食水,將會係源源不絕的劃時代產物,這間公司必「掂」。


較讓人安心係呢間公司由據說係台灣之寶的著名工業設計師謝榮雅經營推出,呢位謝榮雅先生曾多次獲得德國紅點Red Dot 、 iF 、美國 IDEA 、日本 G-Mark等四大工業設計獎。係台灣知名度相當高。2010年,佢創辦「奇想創造」公司,目標協助產業發展品牌、匯聚設計創意;2014年再創辦奇想生活,推出可經由人體傳導熱能的雪糕杓、發熱牛油刀,頗受好評。產品可信度大大提高,今次成立全新智慧家電品牌「ARKVO」,旗下第一款商品「乾.淨.水」透過模擬大自然循環方式,只需要供電,就可以將空氣中的水氣轉換成可飲用水源,滿足家庭、辦公室、公共空間等飲水需求。


據ARKVO介紹「乾.淨.水」主打有7道殺菌過濾程序,可過濾重金屬與雜質,並調節空氣品質,強調係台灣平均相對濕度60-70%環境下每日可取水18-24公升,可供應一般家庭(3-5人)每日飲水量。如果係香港應該更高濕氣水多到你唔飲!呢部多合一「空氣過濾飲水機」由元山科技代工,定價13萬8千元台幣(3萬6千港幣),目前一次付清特價5萬9800元台幣(港幣$15700),一日訂單已爆紅。不過以台灣人日式做生意作風,海外非台灣地區千萬唔好以為可以會有特價,大家以定價作參考,而且佢地未必會生產220V 電壓版本,香港未必有得賣!另外提醒下,買左部機唔代表你家一勞永逸,同你屋企部空氣清新機同飲水過濾機一樣過濾水芯同埋空氣裏面都係要換同補充!所以用左「乾.淨.水」空氣水機,除左對地球係可持續發展,對佢公司ARKVO而言,才是真正可持續發展。佢掌握水資源,最極端情況係「黑鏡」或其他科幻片的未來,飲用水才是未來最貴的生活費用!當然可能你又睇到一個入市的商機,我講水機你講股票!



「乾.淨.水」走簡約設計風格,有黑、白兩種顏色,定價超過13萬元。絕對唔係一般家庭電器,概念上就無敵,但後繼保養,用電量、甚至真正使用體驗等都係未明。暫時只知ARKVO「乾.淨.水」除左有多項關鍵技術,也很重視食用安全性,水質檢測結果(TDS 10~20mg/L)比傳統煮沸自來水(TDS約於50~250mg/L)更加純淨。不過根據官網出產時間表,這項產品最快要到2021年5月才會陸續係台灣本地先出貨。距離正式可以比評價仲有成年時間。但呢個概念本身已經可以大大解決水資源問題,如果應用係缺乏乾淨水的地方,絕對係改變世代,係真真正正「抽水」飲。

官方網站:https://arkvo.com.tw/

現年69歲電影配樂大師坂本龍一,今日宣佈患上直腸癌,早前已完成手術,表示將會努力對抗病魔,繼續創作音樂。 (圖片截至:sitesakamoto.com) 坂本龍一於2014年曾患上咽喉癌,經過漫長治療病情最終得到 ...
hobby
【音樂】電影配樂大師坂本龍一 宣布患上直腸癌
21 Jan 2021
Marvel嘅電影未必套套好睇,但Marvel嘅選角就可以稱為「百發百中」至少你冇覺得邊個角色用錯演員,亦唔會好似隔離DC咁拍拍下又話要換人做呀係咪?不過原來Marvel嘅演員依然都會擔心自己被人炒魷,例如Tom Holland就 ...
hobby
【影視】Tom Holland曾深信自己被Marvel炒魷
21 Jan 2021