{ SKIP }
文:MenClub 魏文青  
POSTED ON 23 Sep 2020

大家記唔記得好多年前有篇「父親因買錯PSP被毆打」潮文,話日本有個仔想買PSP,但老豆買錯Game Gear返去,結果被個仔用條法包追打?睇黎好快外國就有可能會類似嘅新聞,事關喺Microsoft最新遊戲主機「Xbox Series X」開始預購嘅同一日,上一代主機「Xbox One X」嘅銷售竟然都大幅上升!

有網民發現,於9月22日,Xbox Series X (新機) 接受預購當日,Xbox One X (舊機) 於Amazon嘅銷售排名由2804跳升到331,更成為成個Amazon全日第4好賣嘅物品。另一邊廂,如果喺Amazon搜尋 「Xbox Series X」,頭兩個結果分別就係Xbox Series X及Xbox One X,而又由於兩部機都係黑或、黑主機加個黑手掣,預購又係分秘必爭,絕對有可能一時睇錯落錯單。換言如果有個老豆想買部Xbox Series X氹個仔開心,但一時手快買錯Xbox One X,又冇及時發現自己買錯嘢而取消訂單,咁幾日後就可能真係出現「父親因買錯Xbox被毆打」嘅新聞啦。

截圖自:Amazon

會出現以上情況,一方面當然係因為Xbox啲主機名改到鬼咁似,兩部都係「Xbox」頭、「X」尾,差別在中間嗰個字好易睇漏,仲未計新舊世代仲各自有「Xbox Series S」同「Xbox One S」,排出黎令人非常混亂。

但佢哋又唔可以用數字,一來因為Xbox前幾代都冇「用數字代表第幾代」嘅命名習慣,突然飛部「Xbox 4」出黎可能會令人更混淆;另一邊廂就算真係改做「Xbox 4」,但對家係「PS5」,對啲冇咩遊戲知識、又冇做Research、純粹想買部遊戲機返去氹個仔開心嘅父母黎講就可能會誤以為係舊貨。

截圖自:Wikipedia

當然亦有人估計,Xbox One X嘅銷量之所以大增,係因為好多人用bot去搶Xbox Series X嘅預購,但程式出錯導致個bot連Xbox One X都買埋。如果係咁我就希望佢哋唔好發現、唔好退貨,某人返到堅企見到幾廿部Xbox One X,咁就大快人心啦。

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024