今年世界一片混亂，連《天能》電影都慘不忍睹要蝕錢，正常電影避得就避推到下年，剩返的都係唔正常又超級瘋癲，12月 《死侍》Ryan Reynolds夠膽玩轉2020年，年尾玩盡話比大家知，世界只是虛擬你只是遊戲小角色，醒一醒奮起自救，一場虛擬世界時代的革命即將出現，攬炒之前先睇下Ryan Reynolds一班人度期研究《爆機自由仁》電影推完又推幾時上映最好？ 最後決定係12月10日，社會充滿荒謬諷刺，大家樂在苦活中。 

《爆機自由仁》由出名抵死搞笑的荷里活巨星﹑《死侍》(Deadpool) 系列賴恩雷諾士 (Ryan Reynolds)擔綱演出！由《怪奇物語》監製、《翻生侏羅館》系列導演桑里維 (Shawn Levy) 再度玩轉抵死人氣題材，今次跳出老土上世代的博物館，進入電腦遊戲大世界！ 感覺實際上係迪士尼無敵破壞王嘅真人版，當然每次見到Ryan Reynolds總令人期待會有驚喜， 但係今次籌備新預告經已令人入少少驚喜！ 

正如全新預告所玩橋段，2020年充滿不穩定因素，電影上映日期可能會改完又完，所以拍多幾個做後備都真係電影界實況，我個人就相當睇好呢部作品，尤其是今時今日的香港，除左極度需要爆笑同減壓，仲好需要反轉制度玩轉遊戲公式推返電腦的NPC，讓每一個生活係呢部電腦內的角色都做返個真正的人，這才是呢部電影所帶來的期望。

電影簡介

電腦遊戲「自由城市」裡的銀行職員阿仁（賴恩雷諾士 飾演），日日過住刻板重複的生活，突然驚覺自己是背景角色，誓要不惜一切扭轉命運 ！在虛擬人物Molotov Girl的協助下，由閒角「任何仁」變身「爆機自由仁」，拯救面臨摺埋的遊戲！《爆機自由仁》由《怪奇物語》監製、《翻生侏羅館》導演桑里維 (Shawn Levy)，伙拍《死侍》賴恩雷諾士，玩轉電腦遊戲世界。