近期《鬼滅の刃》動畫大熱，香港早前亦有官方授權嘅限定店開幕，因此可能令人覺得佢已經變成史上最受歡迎嘅動漫。不過Sorry，小編我就不敢苟同，因為最受歡迎嘅動漫相信仍然始終如一，就係《龍珠》。

就係《鬼滅の刃》喺香港開限定商店後，《龍珠》亦唔執輸，宣佈將於12月5日首次將「娜美星篇」嘅戰鬥武台搬黎香港銅鑼灣，當中梗係唔少得一眾主要角色，好似悟空、少年悟飯、菲利、魔童等，佢地仲會係1:1現身添。

除左一班角色次外，兩個「娜美星篇」主要場景亦都飛到黎香港，其中包括: 菲利嘅巨型宇宙船，現場高達3.5m。另外一個場景就係基紐特戰隊全軍加埋菲利第一型態嘅飛行艙，龍珠迷真係絕對絕對要去打卡。

黎見完悟空、菲利等人之後，就點少得睇下有咩限定《龍珠》商品啦，其中包括限量燙金滑板、限量數碼打印布畫、服飾、模型、漫畫等，龍珠迷點可能錯過?!

【皇室堡 x Dragon Ball Z爆裂激戰娜美星期間限定店】

日期： 2020年12月5日至1月17日
地點： 銅鑼灣皇室堡地下中庭
費用全免