《鬼滅之刃》人氣橫掃全日本，甚至連BB都唔放過——準確啲黎講，係連有BB嘅初生父母都唔放過，因為佢哋竟然推出BB衫同口水肩！

圖片：P-Bandai.jp

呢個《鬼滅》BB衫系列，功能上就冇咩好講架啦，都係100%綿好軟好舒服唔會整到BB幼嫩嘅肌膚咁啦，咁實際上會買嘅父母都唔係為功能，好明顯係為個樣。而件衫個樣呢，就係分別參照「水柱」冨岡義勇、「蟲柱」胡蝶しのぶ及「炎柱」aka「大哥」煉獄杏寿郎嘅造型而設計，右肩上有各自嘅日輪刀刀鍔刺繡；而口水肩就有各自嘅名對白。特別值得一提嘅係衫同口水肩係一Set黎，冇得分開買。(售價4,290Yen，約HK$320)，即日起預訂，12月25日出貨。