曾一手提攜出「神奇隊長」謝拉特、「金童」奧雲、加歷查等名將嘅法國教練侯利亞因心臟病離世，享年73歲。據《Dailymail》引述法國電台「RMC Sport」及體育報「L'Equipe」指，侯利亞於巴黎接受心臟手術後離世。

圖片：This is Anfield

侯利亞於98-99年賽季以救亡嘅姿態加入利物浦，最初與Roy Evans共同執教，但後來因球隊成績持續低迷，Roy Evans離隊，侯利亞就成為主教練。在其任內除咗提拔出多位利物浦名將外，亦曾於00-01年球季套得足協杯、聯賽杯、足總杯、慈善盾及歐洲超級杯五冠王。

圖片：DailyMirror

但2001年對列斯聯嘅一場比賽，侯利亞心臟病發要即時送院，後來雖然成功康復，但依然未能帶領利物浦衝擊英超冠軍，最終於03-04賽季離隊。後來侯利亞曾回到法國執教里昂一季，並成功獲得聯賽冠軍。2010年短暫回歸英超執教阿士東維拉，但9個月後就因為健康理由離職。