《機動警察》真人版長篇電影預告!

文：MenClub 魏文青　　圖：互聯網
POSTED ON 06 Mar 2015

講起細個睇過嘅機械人動畫，我哋會諗起「高達」系列、「勇者」系列、「魔動王」系列、「超魔神英雄傅」系列甚至「戰隊系列」，但好多時都會數漏原來仲有套「機動警察」！依家一講起係咪好想睇返呢？好消息就係你唔使哂時間上網搵Seed下載啦！因為黎緊有套新架啦！

真人版《機動警察》，正式名稱係「The Next Generation -Patlabor-」。記性好嘅可能會醒起：「我上年已經聽緊呢個名啦喎？依家先黎上？」是咁的，因為呢個真人版系列喺2014年至2015年頭，分成七次上映咗13集短篇。而埋尾嘅一集100分鐘長篇電影，就會喺5月1日於日本上映。將會由原作的「HEADGEAR小組」中擔任導演的押井守執導，故事講述特車二課第二小隊遇上成功從自衛隊手上搶奪隱型直升機的恐怖份子，雙方於東京都內的激戰！

順帶一提，飾演女主角「泉野明(但非原作的同名人物)」嘅，乃係我哋送過寫真集嘅真野惠里菜～