偉大嘅中國限電相信大家都有聽聞，估唔到日前喺中國LOL明星賽期間亦突然停電，令一班選手及觀看直播嘅觀眾亦完全估唔到。

啱啱進入2021年嘅新一年，本來以為有個好開始，點知1月1日舉行嘅中國LOL明星賽卻鬧出尷尬狀況，喺比賽比到一半嘅時候，場館竟然突然大停電，甚至直播亦瞬間中斷，令唔少睇緊直播嘅同胞難以置信，紛紛以為中國連呢場電競大賽亦要限電。

中國境內近排頻頻停電或限電，令外界對於今次中國LOL明星賽突然停電，會唔會係因為要被限電所致。而對於今次突發情況，大會即時發佈消息指，只係場館周邊區域出現緊急電力故障，場館第一時間切換備用電源，亦緊急派出工作人員進行排查搶修，最終停電情況大概維持左1個鐘先能夠回復。

肯肯定係電力故障啦，中國又點會無電供應、點會限電呀，有都係班人無交電費嘅姐，你話係唔係?