{ SKIP }
文:MenClub 摯樂  圖:互聯網
POSTED ON 18 Jan 2021
【潛逃】少年冒險遊戲《Road96》玩著草偷渡逃避獨裁政權

介紹一個好唔現實的少年冒險遊戲《Road96》,故事係一個無法容納年輕人的獨裁國家裡面,扮演少年人的角色因為要逃亡避開呢個獨裁壓迫的動蕩社會而遠走高飛,走法就如電波少年要係龐大的國家當中著草去邊境離開為之贏。遊戲以「非線性」劇情體驗(non-linear experience),即無特定章節與橋段時刻充滿住不同變數進行,正如人生一樣,係生與死自由與壓迫當中可以有唔一樣的選擇,甚至最後可能客死途中,死左遊戲唔會完會即時轉生成另一個少年人,因為係呢個現實比少說更離奇的國度,一人一個故事,人人都值得逃亡,所以這敘事型第一人稱冒險遊戲非常之唔現實。

故事的概念同故事性非常之出色同吸引,加上無限變數,就算你不幸遇到壞人死左,下一位少年人又可能會遇返同一個壞人,少年人太年輕,所以呢一趟公路之旅又要小心警察又要小心壞人,的確善惡難辨,路人仲隨時「篤灰」,眾多抉擇左右你大逃亡的成功體驗,先祝各位逃亡的年輕人馬到功成遠走他鄉,走到就走,呢度就留比我頂住,當然記住這只是一個遊戲,還是美國的遊戲,美國人真是苦難!如果你有玩過《Reigns》這個遊戲,呢部就好比是美觀豪華版本的《Reigns》的敘事玩法,同時也是具有 Rogue-lite 特性的遊戲。遊戲由獨立團隊 Digixart 開發屬於敘事型第一人稱冒險遊戲《96 號公路》預計在 2021 年登上 Steam。


無論你想帶一個定十二個還是更多少年離開那個遊戲鬼國,今年可以直接購買下載,成功爆機逃到邊境離開可怕國度記得話我知那片爆機光景係咩野畫面,祝君好運萬事小心。對了,遊戲中那種美國式野外公路讓我想起GTA(Grand Theft Auto),唔知幾時會推出GTA6!


疫情令全球戲院停業將近一年,令多間國際院線都面臨經營危機。香港戲院斷斷續續停業到2月先重開,本來有望慢慢重回正軌,但最新消息就指UA院線將全線結業,成為疫情後首家結業嘅大型院線。 撰文之時已無法連上U ...
hobby
【本地】網站無飛賣 員工要聽Talk UA院線疑全線結業
08 Mar 2021
我好少會同大家推薦模型,但話題大作《EVANGELION 新世紀福音戰士》與《真·哥斯拉》導演庵野秀明夢幻企劃「哥斯拉對EVANGELION 」「三式機龍 EVA初號機上色ver.」實體化6月登場,咁大件事無人講?冇人講咪我講囉 .. ...
hobby
【鉅細靡遺】哥斯拉對EVANGELION 三式機龍 EVA初號機上色ver.登場預售
08 Mar 2021