抖音國際版「TikTok」全球有唔少用家，入面周不時就會出現各式各樣「挑戰」。上星期意大利一名10歲女童玩最近流行嘅「窒息挑戰（blackout challenge）」而不幸意身亡，引起社會高度關注，事發後意大利政府隨即禁止所有未能核實年齡用戶使用TikTok。

據外媒報導，意大利巴勒莫（Palermo）一位10名女童於上周三（20日）喺屋企浴室玩「窒息挑戰」，用皮帶勒住自己條頸，挑戰可以閉氣幾耐，同時用電話拍片記錄。後來被15歲家姐發現佢昏迷不醒，送院搶救後證實不治。由於TikTok條款有列明必須年滿13歲先可以使該平台，所以事發後意大利相關部門決定禁止所有未能核實年齡用戶使用TikTok。

絆倒挑戰 Tripping Jump Challenge（圖片來源：sapeople）

其實TikTok並非第一次流傳唔同「挑戰」而引起批評。曾喺2020年年頭流行過「絆倒挑戰（Tripping Jump Challenge）」，玩法就係三個人同時原地跳起，比較邊個跳得比較高，但實情就係左右兩個人會趁你跳起嗰陣踢你隻腳，等你絆倒係地上。當時外國有唔少用戶因為參加「絆倒挑戰」而受傷，嚴重甚至死亡。