微軟 Xbox 前高層早前受訪透露20年前微軟想收購任天堂失敗，當時就好似被任天堂主管恥笑左一個鐘嘅感覺。其實好正路大家睇下去年疫情全球公司大多數收縮業務，但任天堂2020年4月到12月的財政報告利潤相比前年大大提高98.2%，因為Switch同相關遊戲軟件實在太好賣，2020年對任天堂係大豐收年。

任天堂昨日公佈 2020 年 4 月至 2020 年 12 月期間的合併財政報告，受惠於 Switch 遊戲軟體全球大賣，任天堂公司利潤相較前一年增加左 98.2%。同時任天堂公布部分遊戲的銷售量：《集合啦！動物森友會》賣出1,941 萬套（累積 3,118 萬套）；《超級瑪利歐賽車 8 豪華版》賣出864 萬套（累積 3,341 萬套）；《超級瑪利歐 3D 收藏輯》賣出832 萬套；《健身環大冒險》賣出595 萬套（累積 868 萬套）；《紙片瑪利歐：摺紙國王》305 萬套，剩係呢幾隻自定出品遊戲，已經足夠全球大賺。除了遊戲之外，主機銷售賣出 2,410 萬部（較去年增長 35.8%）、軟體銷售為 1.761 億套（較去年增長 43%），而任天堂係手機遊戲相關業務都有相當出色的表現，累積相關收入為 420 億日圓，比去年同期增長 13.8%。

受到業績帶動，任天堂將下年全年盈利預測調高，銷售額由原本目標的 1.4 兆日圓往上調整為 1.6 兆日圓、增長幅度為 14.3%，營業收入目標由 4,500 億日圓往上修正為 5,600 億日圓、增長幅度為 24.4%。唔知你有無份為疫情下的任天堂業績作出過貢獻呢？如果未有，而家仲有機會，反正而家有貨啦，唔駛再吃炒價。好可能今年任天堂仲會推出新版任天堂Switch「Aula」強化視覺效果帶來新一波銷售奇蹟。