各位嘅女神「雞排妹」鄭家純，早前表示出席主持尾牙活動時，主辦老闆飲咗幾杯酒後講野開始唔檢點，喺台上不停性騷擾，低級當有趣。除此之外，更爆出當日在場有位歌手都有類似行為，更借機偷摸佢Pat Pat。消息傳出後，有人鬧佢只係自我炒作，隨事情不斷發酵，佢終於忍無可忍，大爆嗰位歌手就係翁立友。

（圖片截至：Facebook）

據雞排妹向聯合報透露，事源當日雞排妹做活動主持，本身份稿就寫翁立友上台後雞排妹就會退場，但雞排妹介紹完翁立友上台後，翁立友即刻叫停雞排妹，表示因為雞排妹著紅色旗袍，同自己著全身紅色西裝好襯，希望雞排妹可以喺台上陪佢唱隻歌仔。翁立友立即問雞排妹識唔識唱佢嘅歌，雞排妹表示剛好唔識，但翁立友唔死心繼續問雞排妹最近唱開咩歌，雞排妹就答「廣島之戀」，兩人就喺無伴奏嘅情況下直接合唱。

雞排妹紅色旗袍示意圖。（圖片截至：Facebook）

雖然雞排妹唔知呢段「爆肚」用意喺邊，但都同翁立友唱咗一段「廣島之戀」。奈何翁立友特登改歌詞，將「不夠時間好好來恨你」改成「想你」，雞排妹只好無奈繼續唱完。唱完歌仔，翁立友就開始同雞排妹吹水，當時台上無其他人，但翁立友就愈講愈行得近雞排妹，近到幾乎同雞排妹並肩。就當翁立友想舉起靠近雞排妹嘅左手嗰陣，就借啲意滑過雞排妹Pat Pat，大稱雞排妹主持得好好，並話會幫雞排妹開間公司。雞排妹表示以翁立友咁熟練而且氣定神閒嘅樣，懷疑佢都唔係第一次咁做。

唔少網民及名人留言撐雞排妹。（圖片截至：Facebook）

起初雞排妹第一時間檢討自己喺咪做咗啲咩令人誤會，掙扎好耐之後決定鼓氣勇氣講出呢段經歷，就算之後可能會被封殺都在所不惜。

雞排妹表示就算絕跡演藝圈都要講出嚟。（圖片截至：Facebook）

男事主翁立友尋日透過唱片公司回應指純屬舞台效果，揚言要提告雞排妹。今日就喺個人Facebook再發聲明強調，如果雞排妹覺得自己遭受污辱，支持佢提告，更表示保障女性權益係大家責任。

資料來源：聯合報、FB@雞排妹、FB@翁立友