一支鏡頭有幾貴，相信有玩相機嘅朋友一定好清楚。而作為相機品牌之一嘅Canon，近日就宣佈打破世界紀錄，由1987年開始生產鏡頭至今年1月，一共生產咗1.5億支RF及EF鏡頭！！

Canon EOS系列菲林單反相機可換鏡頭，於1987年正式開始生產，到1995年EF鏡頭生產數量達到1000萬，之後好快就喺2009年達到5000萬產量。去到2014年4月，Canon更達到新高度「全球首個品牌達至1億個可換鏡頭生產量」，而黎到今年1月亦正式刷新最新嘅世界紀錄 - 生產1.5億支鏡頭。在1.5億支鏡頭之下，其實包含咗Canon 118個型號，當中有19支為RF鏡頭。

而咁啱有一個數據非常有趣，就係原來Canon 1.5億支鏡頭如果尾位對尾位嘅話，總長度大概為12450公里，即係接近等地球嘅直徑，實在夠晒誇張！！