自2015年福山雅治同女星吹石一惠結婚生BB升格做老竇後，人氣大不如前，可能忙住照顧屋企隻化骨龍，所以近年少咗喺電視上出現。

福山雅治飾演有「怪人伽利略」之稱嘅湯川學教授。（圖片截止：IMDB）

最近日媒《週刊女性》報導，福山雅治為挽回人氣，將再次參演代表作《神探伽利略》第三部電影，預計今年6月開拍，2022年上映，到時拍擋北村一輝、柴咲幸（可唔可以叫埋吉高由里子啊）都會歸隊。為配合電影宣傳，福山雅治亦會拍新一輯《神探伽利略》單元劇。

《神探伽利略》第一季於2007年首播，柴咲幸飾演女主角內海薰。（圖片截止：IMDB）

每次湯川學諗通案發經過就會做呢個招牌Pose。（圖片截止：IMDB）

《神探伽利略》第二季女主角變成由吉高由里子飾演嘅岸谷美砂。（圖片截止：IMDB）

經典日劇《神探伽利略》從2007年開播，改編自知名小說家東野圭吾嘅《偵探伽利略》及《預知夢》，講述女警新人內海薰搵物理學家湯川學教授用科學方法破解各種奇案，總共拍咗兩季電視劇及兩部電影，票房同口碑相當唔錯。