講到《遊戲王》入面最貴嘅卡莫過於「青眼の白龍」，前排就同大家講過官方出咗張純銀版「青眼の白龍」。最近新興品牌Drought亦出咗張「青眼の白龍」地氈，售價為150美金，不過就已經賣曬，未知會唔會再返貨。

呢張「青眼の白龍」地氈尺吋為4.5x3.3英尺，以彩色尼龍同棉料製成，細緻還原咗英文版「青眼の白龍」卡牌，除咗招式同能力數據，就連右下角個防偽標籤都完全重現。