Mayweather大戰Youtuber Logan Paul原定於2月20日舉行，卻因疫情問題被迫推遲，當大家以為賽事會就此不了了之嗰陣，最近Mayweather就透露比賽將推遲到80,000人能夠安全觀看嘅時候，並計劃喺美式足球隊「Las Vegas Raiders（拉斯維加斯突襲者）」新主場Allegiant Stadium舉行，到時電視台HBO及Showtime將會直播賽事。

大戰原定於今年2月20舉行。（圖片截至：fanmio）

Logan Paul曾係外國知名Youtuber，但因為有次去咗日本「自殺森林」青木原樹海拍片，除咗嬉皮笑臉，期間更近距離拍攝一具男性屍體，照樣上傳到Youtube。當時即刻被人鬧爆唔尊重死者，拎日本文化開玩笑，最終導致被日本當局禁止入境及其Youtube頻道收益被中止。

即使Logan Paul已經刪咗「自殺森林」條片，但網民一早已經backup咗佢呢單「威水史」。（圖片截至：youtube）

「自殺森林」風波之後，Logan Paul輾轉間走咗去學打拳，目前只同另一名Youtuber「KSI」打過兩場，取得一和一負成績，不過佢依然非常自信。上年就選擇「挑機」曾獲五個世界冠軍，有「不敗拳王」之稱嘅前職業拳手Mayweather，更揚言之後要挑戰埋「雷神」Chris Hemsworth。

在 Instagram 查看這則帖子

Logan Paul（@loganpaul）分享的帖子

儘管隨著疫苗出現，美國開始分批為市民陸續接種，但拳賽具體日期依然遙遙無期，相信要等到可以80,000人安全觀看嗰陣，另一邊廂嘅林作同鍾培生都可能未打得成。