又介紹一個全新商用全像投影虛擬裝置等大家見識一下，呢個「Gatebox」裝置定位係商場可以利用人咁高的虛擬影像VR例如初音未來對你的顧客打招呼甚至係商場或店鋪作導覽介紹，簡單講即虛擬接待員，不過老老實實我認為如果裝置入面見到的係療養中的龍珠撒亞人就正，邊個商場擺一部療傷中的「比達」，呢個商場必紅！

Gatebox公司精於運用全像投影虛擬管家裝置，2017 年就曾經係日本推出一款內置初音的全像投影交流機械「Gatebox」虛擬管家。今次佢地再放大一格製作左真人比例大小虛擬管家，進一步將裝置商業應用化。呢部 Gatebox Grande 使用 65 吋 OLED，解像度達到 4K，因此可以顯示過去細裝置無法清楚顯示的文字。Gatebox Grande 高達 2 米相當吸睛，用來放係任何一個商場馬上就可以成為焦點。