{ SKIP }
文:MenClub 艾力克  
POSTED ON 10 Mar 2021

日本動漫《鬼滅之刃》風靡全球,劇場版電影《鬼滅之刃劇場版 無限列車篇》更於日本及各地大破票房記錄。不過主角炭治郎耳飾上嘅旭日旗圖案就觸動到唔少人神經,被指令人聯想到二戰日本皇軍。近日動畫版《鬼滅之刃》於韓國Netflix上架,引起韓國網民不滿,Netflix隨即推出「修正版」,將旭日旗改成為四行橫線息事寧人。

炭治郎旭日旗耳飾喺中國及韓國惹起爭議。(圖片截至:Netflix)

其實炭治郎旭日旗耳環唔係第一次惹引起爭議,電影《鬼滅之刃劇場版 無限列車篇》上年喺韓國上映前,就已經被指被指圖案帶有軍國主義象徵,加上原作者及製作團隊又發表過唔少右翼言論,當時有韓國網民就大罵《鬼滅》粉絲都係賣國賊,最終電影公司選擇修改圖案後上映。

《鬼滅之刃劇場版 無限列車篇》韓國版海報已修改旭日旗圖案。(圖片截至:edaily

而最近動畫版《鬼滅之刃》於韓國Netflix上架,所播出嘅竟然係日本原裝「無修正」版本,當然再次引起韓國網民不滿。據日媒livedoor報導,韓國民間組織「韓國網路外交使節團(VANK)」更要求Netflix加註「日本是戰犯國」,但Netflix只係好快手咁推出「修正版」,並無加註其他字眼。

「修正版」嘅耳環從旭日旗變成四條橫線。(圖片截至:livedoor

有趣嘅喺,現時韓國出版嘅《鬼滅之刃》漫畫仍然有旭日旗圖案,相信如果被韓國網友發現,好快又要推出「修正版」漫畫。

現時韓國出版嘅《鬼滅之刃》漫畫仍保留旭日旗耳環。(圖片截至:livedoor

資料來源:livedoor
自從Johnny Depp數年前捲入家暴風波,荷里活片商就紛紛同佢割席,令佢先後失去多個角色,當中就包括後來由丹麥演員Mads Mikkelson繼任、於《Fantastic Beasts》系列中嘅「Grindelwald (葛林戴華德)」一角。 不過自從 ...
hobby
【影視】Mads Mikkelsen暗示JD或回歸《Fantastic Beast》系列 「我都係Fans」
16 Aug 2022
Amber Heard早前輸咗與前夫Johnny Depp之間嘅誹謗案,而唔少人都認為佢輸嘅其中一個原因,係因為律師團隊表現不濟,當時網民甚至嘲諷佢哋係「淘寶律師」,與代表JD大放異彩嘅Camille Vasquez形成強烈對比。而近日AH ...
hobby
【AH】Amber Heard換走「淘寶律師」專家指為聰明舉動
16 Aug 2022