{ SKIP }
文:MenClub 艾力克  
POSTED ON 10 Mar 2021

《第45屆香港國際電影節》將於4月1日至4月12日舉行,由於疫情影響,今年首度以實體與網上混合模式舉行,由《七人樂隊》及《風再起時》兩部電影揭開序幕。

開幕電影之一嘅《七人樂隊》,由7位殿堂級導演,洪金寶、許鞍華、譚家明、袁和平、杜琪峰、林嶺東及徐克聯手執導。電影相繼喺法國、荷蘭、埃及、日本及韓國參展,並入圍「釜山國際電影節」及「康城電影節」開幕電影。故事以1950年代作為起點,每位導演各選一個年代作為主題,拍出具個人風格且體現香港精神嘅故事。

現時IFC及摩天輪位置都喺填海填出嚟。(圖片截至:香港寶嘉

從預告片可以睇到,除咗故事劇情跨世代,演員陣容同樣跨世代,除咗有資深演員元華、鍾景輝、吳鎮宇、任達華,更有新一代演員余香凝、吳澋滔、林愷鈴等。預告片劈頭第一句說話「你未出世嗰陣,呢到冚唪唥都係海嚟㗎,大會堂都無啊。」,瞬間道出香港歲月變遷。短短1分20秒入面,可以見到電影包括多個故事,包括50年代學功夫熱潮、回歸移民潮、遍地黃金嘅輝煌時代,最後用上一句意味深長嘅說話「光陰似箭,一去不回,往事只能回味。」作結,相當耐人尋味。

(圖片截至:YOUTUBE)

另一部開幕電影《風再起時》(待定)由翁子光執導、梁朝偉與郭富城主演,改編至呂樂探長事跡。由郭富城飾演嘅磊樂因年輕時受盡黑警及黑社會刁難,決定加入警隊做個廉潔警察。

資料來源:hkiff

火影Fans絕對要留意啦!
hobby
【高可動系列】火影三大主角「S.H.Figuarts」年中推出!
22 Jan 2022
由傳奇影業及華納兄弟共同製作,以「哥斯拉」及「金剛」為主軸嘅「怪獸宇宙(MonsterVerse)」自2014年展開,至今共推出過4部電影。正當一眾影迷期待續集之際,今日傳奇影業就宣布即將製作「怪獸宇宙」系列首部真人 ...
hobby
【怪獸宇宙】傳奇影業將於Apple TV+推出「怪獸宇宙」首部劇集
21 Jan 2022