2011年日本所發生嘅311大地震將近十年，日本各地不約而同舉辦一系列追思及紀念活動。最近宮城縣仙台市就有組織舉行一場放風箏活動，希望透過印有小朋友笑臉嘅風箏，紀念災難及祈求疫情盡快平息。

據日媒北國新聞報導，除咗有笑臉風箏，另設有印有小朋友笑臉嘅「笑顔の傘」。主辦方表示花咗一個月時間搵災區小朋友影相，再將佢哋印上雨傘同風箏，藉此象徵重建後所帶來嘅希望。更表示由於疫情問題，大家無咩機會見到彼此笑臉，期望笑臉風箏傳達希望及正能量，祈求大家盡快從疫情中恢復過來。

印有小朋友笑臉嘅「笑顔の傘」。（圖片截至：北國新聞）

雖然出發點良好，不過好多日本網友覺得呢個Idea有啲獵奇，表示好似恐怖漫畫家伊藤潤二嘅人頭氣球，大家又點睇呢？

伊藤潤二漫畫「人頭氣球」。（圖片截至：amazon.jp）