中國內地名牌手袋奢侈品再度惹中外關注，主要有兩個新聞爆發討論，第一係內地假LV造得比真LV更強大，全部內置偽的防偽晶片，連外國真品LV都望塵莫及。第二單係中國山寨假Fendi店被真Fendi控告輸左，要賠錢給真店，但山寨假Fendi店內賣的又係真的外國進口水貨Fendi袋，總之真真假假只要相信人民幣真的好好賺，假Fendi店賣的真外國水貨Fendi係銷量好過真中國Fendi店，好多人明知假Fendi店都會入去買真Fendi水貨，做得中國人生意想正正經經賺盡係無可能，任何產品由電影到高低端消費品，都預左有正版市場同時又有地下低端假或老翻市場，當然至理名言係假的有時做得比真的更好更抵買。

搞足四年的意大利品牌Fendi侵害商標權及不正當競爭案終於完結，意大利品牌Fendi勝訴。據知國內昆山開左首創叫奧萊的芬迪門店並非品牌直營店或授權折扣店，但內部就賣緊意大利品牌Fendi等等的正牌水貨名牌產品，據稱係外國平行進口，當然到底係全部水貨定滲溝部份高仿真真假假就無人得知。總之上海市高級人民法院判處被告上海益朗和首創奧萊敗訴，需賠償芬迪經濟損失和維權開支35萬元人民幣。但賣的收益其實大大多過賠錢，而中國消費者似乎係唔介意去山寨假Fendi店買所謂真Fendi。

至於擺明老翻高彷仲出色，以最近的上海假 LV手袋案件就揭發有大陸人透過微信朋友圈售賣老翻LV手袋， 竟然喺每一個翻版LV手袋內裝有NFC晶片，中國消費者可以利用手機掃描晶片， 然後進入簡體字中文嘅LV假官方網站確認自己買咗真LV手袋。然而真正的LV根本冇咁先進，假LV手袋做法已經比正廠有過之而無不及。係中國呢個先進的國度，真係完全無法分辨真貨定假貨，係完美演繹玩爛整個市場！