梵蒂岡天主教廷信理部於星期一（15日）發聲明表示，教延視同性戀為一種個人選擇，但呢個係有「罪（Sin）」嘅選擇，並唔係上帝嘅計劃，所以教會唔能夠祝福同性結合。

據外媒CNN報導，早前有人向教延信理部詢問教廷是否有權祝福同性婚姻。信理部於星期一發聲明回應，教會一直將婚姻視為一男一女結合，相關祝福唔能夠延伸到同性伴侶，就算同性關係或許存在「正面價值」，由於唔符合造物主計劃，給予祝福屬於不合法（not licit）。

現任教宗方濟各（Pope Francis）。

聲明亦補充道，教會並唔係批判或歧視同性戀，只係神父唔能夠主持同性婚姻儀式及賦予祝福。實事上，現任教宗方濟各自上任以嚟，多次對同性戀教徒展現包容態勢，去年亦喺記錄片《Francesco》提及支持同性伴侶民事結合，等同性伴侶可以受到法律保障。不過今次信理部表明立場或者會對數百萬計同性戀天主教徒失望。