大家覺得一間「好福利」嘅公司有咩條件，係有14個月糧、18日AL、定係有各式各樣嘅醫療福利？最近日本有一間公司，因為有「另類員工福利」而引起熱議，除咗偶像結婚可以請10日有薪「傷心假」，更資助員工睇偶像演唱會。

社員の推しの卒業が決まってしまったため、弊社の勤務規定に慶弔休暇の項目が追加されました。 pic.twitter.com/s8owdfcSOn

— itaru9（株式会社ひろろ社長） (@itaru9Z) March 8, 2021

廣告及MV製作公司Hiroro社長鶴見至善本身就係一位追星族，就連公司名都用日本女團9nine成員村田寬奈嘅暱稱命名。可能因為深諳此道，佢最近推出新員工福利，只要員工頭號偶像宣布結婚或畢業，就可享有10日有薪「傷心假」，而且仲可以視乎傷心程度延長。就算第二或第三鍾意嘅偶像畢業，都可享有3日有薪假期。另外，如果員工要參加頭號偶像演唱會，除咗可以申請早退或請假，更會資助5000日圓。

見到社長鶴見至善Twitter封面嘅相，就知道佢都係一位追星族。（圖片截至：[email protected]）

社長鶴見至善表示，上年佢同一位廣告人合作，對方係聲優水樹奈奈嘅粉絲，從東京大學畢業嘅佢，一直以嚟都係一個聰明又隨和嘅人。不過就喺水樹奈奈宣布要結婚嗰一日，對方非常沮喪根本無辦法開會，所以佢先有「傷心假」呢個諗法。不過都唔使咁羨慕住，社長鶴見至善表示現時公司只有三個員工，「傷心假」消息傳出後，就收到超過10份求職信，但現時並無打算請人，見到大家咁支持佢嘅做法覺得非常開心。

資料來源：ねとらぼ