中國首間性愛娃娃體驗館「愛愛樂」於2018年開業，一度成為城中熱話。多年嚟遊走喺法律灰色地帶嘅「愛愛樂」，最近就被深圳公安查封，由於事出突然，老闆話唔少客人嚇到落荒而逃。

（圖片截自：sixthtone）

雖然成日有人話「命運在你手」，但有時候唔想靠手，又唔想靠真人，就會選擇使用額外「工具」幫幫手。早些年中國男士李博就睇中呢一點，開設中國首間性愛娃娃體驗館「愛愛樂」。當時李博已經詢問過相關部門，得知「體驗」性愛娃娃並不「涉黃」所以無違法。然而「愛愛樂」一直備受爭議，經常遭到民眾舉報，就連原本放喺門口嘅四隻「生招牌」都被迫搬返入鋪頭。

（圖片截自：newsweek）

李博細細個就投身社會搵食，做過各行各業。有次佢知道富士康工廠男女比例嚴重失衡（約5:1），加上工廠宿舍需要一層樓共用一個公廁，男性工人就連打飛機嘅地方都無。做過工人嘅李博覺得感同身受，所以就係工廠區附近開咗「愛愛樂」，為附近地區12萬名單身男性工人服務，只需188人民幣就可以「體驗」高級矽膠娃娃幾個鐘。體驗館開業後好快就係工人之間獲得唔錯口碑，平均每日都有70位客戶幫襯。

（圖片截自：newsweek）

李博認為自己開設「愛愛樂」別具意義，曾向記者分享過唔少客人嘅感動故事。「我曾經有一個客人，因為佢老婆大緊肚所以每星期都會嚟幫襯一次，但其後傾耐咗先知，原來係老師叫佢嚟」「曾經有位客人係殘疾人士，當佢試完矽膠娃娃之後就話，呢次係佢人生入面最有尊嚴嘅性體驗」

（圖片截自：newsweek）

可惜好景不常，深圳公安喺上個禮拜無預警地查封「愛愛樂」。對此，李博表示事前毫不知情，有客人更嚇到落荒而逃，相關單位並無解釋因咩事野而查封，又無講封到幾時。