如果用過大牛龜電視機，就知道當天線收得唔好就會出現雪花畫面並發出「嘶嘶」聲，過往有唔少恐怖片都利用呢種雪花畫面營造恐怖氣氛。不過最近有日本網友發現，好多後生根本未見過雪花畫面，睇嚟日後啲恐怖片導演要度過新橋啦。

近日有位叫「すあま」嘅Twitter網友，睇恐怖片嗰陣突然諗起一個問題，就上網問大家有無人親眼睇過雪花畫面，並舉行咗一場網絡投票。

演出ではない『砂あらし画面』の実物を

— すあま (@suama13) March 28, 2021

今年10-19歲，有睇過 ：10,550人（28.7% ）

今年10-19歲，無睇過 ：1,838人 （5% ）

今年20-29歲，有睇過 ：22,277人 （60.6%）

今年20-29歲，無睇過 ：2,095人（5.7%）

總共有36,761人參與投票，結果顯示確實有部分人(佔10%)未睇過，如果考慮埋10歲以下嘅00後，相信結果會更唔同。有網友就指出隨住模擬電視走入歷史，新一代嘅數碼電視好少會出現「雪花」，收唔到訊號最多會變成「藍MON」，或直接進入待機模式。

日本朝日電視台節目「羽鳥慎一モーニングショー」更上街訪問市民，點知問左幾個10幾歲嘅後生仔都唔知咩叫「雪花畫面」，睇嚟日後啲恐怖片導演要度過新橋啦。