{ SKIP }
文:MenClub 波特先生  圖:互聯網
POSTED ON 05 Apr 2021

講左好耐嘅經典卡通真人籃球電影《太空也入樽》續集: 《太空也入樽:改朝換代》終於推出首段預告片,其中可以睇到電影入面將會大玩主角LeBron James嘅經典時刻。

繼1996年由「籃球之神」Michael Jordan主演嘅《太空也入樽》成為籃球電影經典之後,相隔25年後終於由LeBron James繼任成為續集嘅主角。

今次全新嘅故事講述LeBron以及佢個仔一齊被一個人工智能集合體捉至數位空間,並要求LeBron接受佢嘅籃球挑戰。當然LeBron今次都係同上次Jordan一樣,佢嘅隊友將會係華納動畫嘅一眾角色,好似賓尼兔、德菲鴨、翠兒等等。不過今次佢地嘅對手再唔係偷走NBA球星能力嘅外星人,而係一班由AI精心設計出嘅「魔星隊」。

從今次首段預告片入面,可以睇到接受挑戰嘅LeBron將會展現自己所有嘅能力,甚至重現當日與好兄弟Wade快攻Alley Oop入樽嘅經典「曼德拉效應」例子(事實上個次並唔係一次Alley Oop)。

究竟今次換左LeBron James,佢可唔可以又一次拯救華納世界同佢個仔呢? 定還是最後人工智能會為佢提供豐厚獎金而將佢打敗呢? 大家記住拭目以待啦。

火影Fans絕對要留意啦!
hobby
【高可動系列】火影三大主角「S.H.Figuarts」年中推出!
22 Jan 2022
由傳奇影業及華納兄弟共同製作,以「哥斯拉」及「金剛」為主軸嘅「怪獸宇宙(MonsterVerse)」自2014年展開,至今共推出過4部電影。正當一眾影迷期待續集之際,今日傳奇影業就宣布即將製作「怪獸宇宙」系列首部真人 ...
hobby
【怪獸宇宙】傳奇影業將於Apple TV+推出「怪獸宇宙」首部劇集
21 Jan 2022