{ SKIP }
文:MenClub 艾力克  
POSTED ON 07 Apr 2021

日本東京秋葉原貴為宅男聖地,除咗有大量電子動漫商店,更係女僕Cafe發源地。由於疫情重創當地經濟,女僕拉客情況日益嚴重,男士們每行幾步就會被女僕「留難」,完全無辦法好好地咁行街。有日本網友就諗出奇招,著上JK制服扮女高中生,事後就無再遇到拉客情況。

呢位名為PIPI嘅網友,表示相當厭倦秋葉原嘅拉客行為,更話已經同區政府反映過幾次都無用。只好男扮女裝,著上JK制服去秋葉原,結果成效相當理想,無再遇到女僕「留難」。PIPI表示自己只係迫不得已,並無易服癖好,不過就話做出第一次之後,就好似返唔到轉頭...唔通就此開發咗佢嘅易服之路?

男人著JK制服概念圖。(圖片截自:twitter

有網友就留言諷刺,女僕們並唔係因為見到PIPI係女人,而只係唔想招呼一個男扮女裝嘅人。由於PIPI只係影咗佢隻腳,並無露面,所以我就搵咗張概念圖,我諗見到男人咁著你係女僕都會敬而遠之,難怪呢招咁有效。

資料來源:togetter

因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024
冇Johnny Depp嘅《魔盜王》仲能唔能夠吸引觀眾入場呢?
hobby
【影視】《魔盜王》系列確定重啟!監製:我們不需等待某些演員回歸
27 Mar 2024