相信絕大部份Gentlemen都有睇過《Star Wars》系列，而任何有睇過套戲嘅人，都一定會想擁有一把光劍，呢個亦係目前市面上有好多人自製光劍，而且有價有市嘅原因。不過目前大家能夠買到嘅所謂光劍，說穿了都只係一碌發光嘅棍，與電影中嘅光劍只係個樣似，而據報Disney就成功研發一把可伸縮嘅真光劍，而且仲秘密公開咗。

Here's how it went down:

Josh D'Amaro was saying his goodbyes, ending with "...and you never know what we're going to come up with next".

He then *zhooped* a lightsaber out of this little box (like a hilt but much wider), adding: "It's real." pic.twitter.com/dkSFLSJiGW

— carlye wisel ???? hosts Very Amusing!  (@carlyewisel) April 8, 2021

卻說美國Disney於4月8日中午舉行咗一場只限受邀者參加嘅線上發佈會「A Special Look Inside Disney Parks」，發佈會主要就係由Disney Park嘅體驗與產品主席Josh D'Amaro講解黎緊迪士尼樂園嘅發展咁。而據有份睇個發佈會嘅人指，喺發佈會嘅尾聲、臨講拜拜之前，Josh D'Amaro突然拎出一個「好似劍柄但闊得多」嘅物體，然後就「Zoom」咗把光劍出黎，再加多句「It's real」。

I don’t have any photos or videos of the lightsaber - but who wants to see some completely random patent images? Anyone?https://t.co/X4OCRjbdf6 pic.twitter.com/pS5XnmS53W

— Scott Gustin (@ScottGustin) April 8, 2021

由於Disney禁止任何觀眾Screencap發佈會畫面，所以外間只能睇到參與者們事後嘅文字描述，但觀乎佢哋嘅興奮程度，睇黎呢把光劍至少個樣係呃得下人。好快亦有人搵到，Disney早年曾經向美國當局申請過一把真．光劍嘅專利，唔知係咪當年嘅設計終於能夠產品化。一切都要等到Disney真係拎把光劍出黎賣先知啦。