最近知名影星三上悠亞喺個人Youtube Channel暢談青春往事，更邀請埋媽媽加入吹水，二人彷如姊妹互相鬥嘴。媽媽就喺節目大爆三上悠亞黑歷史，指佢初中嗰陣識咗初戀男友後就學壞晒，有次放工返屋企仲見到佢哋疑似「完事」後同床共眠。

三上悠亞從出世開始講述成長經歷，講到去小學時期嗰陣，三上媽媽就爆咗一句「小學應該係你最醜嘅時期」，三上悠亞即時反駁話自己好可愛，並貼上童年照。可唔可愛就真係見人見志，但依家絕對靚過之前，又一次印證「女大十八變」呢句說話。

其後，三上媽媽就呻阿女升上初中後同咗一個流氓男仔拍拖就學壞晒，而三上悠亞邊笑邊承認確實有呢回事。阿媽更大爆曾經有一次放工返屋企，見到三上悠亞同流氓男友同床共眠，睇落就好似啱啱做完「大事」，令佢非常氣憤。呢個時候三上悠亞就笑笑口，既無承認又無否認，唔知真相究竟係咩呢！

資料來源：三上悠亜オフィシャルYoutube