Netflix人氣犯罪劇集《Money Heist（紙房子）》以打劫銀行為主軸，運用獨特敘事手法描繪正邪雙方鬥智鬥力，深得一眾影迷喜愛。最近官方終於公開第五季（最終季）預告片，宣布今季將會分成兩部份播出，首五集將於9月3日正式開播，而另外五集就要等到12月3日。

從預告片可以見到隊員們全員集結，背景配上慢奏版嘅《Linkin Park - In The End》，劇中人物「東京」講咗句「人生中最大的時迄，就是當我們明白到自己無路可退。」，之後就喺一輪子彈橫飛嘅駁火畫面，似乎暗示隊員們準備殺出重圍。

據了解，今季除咗見到好多熟悉嘅臉孔回歸，仲會加入美劇《Sense 8》演員Miguel Ángel Silvestre，暫時未知佢所扮演嘅角色將會企喺邊一面，但有傳聞話係一個能夠同「教授」抗衡嘅角色，實情係點就要到時先知。