{ SKIP }
文:MenClub 魏文青  
POSTED ON 01 Jun 2021

美國五角大樓預計會於6月內發表新一份「UFO報告」,令唔少UFO愛好者都非常期待。但就係報告推出之前,突然就有一條美軍遇上UFO嘅片段於網上流傳,而片中嘅UFO (或者叫UAP, Unidentified Aerial Phenomona) 更加入水能游,出水能飛,而且速度極高。

專拍UAP相關紀錄片嘅導演Jeremy Corbell於個人Instagram上公開咗上面條片,只見片中有一個黑色圓球狀物體緩慢地漂浮於海上,更於片後尾聲垂直進入水底。根據Jeremy Corbell所講,片段 (及未公開嘅照片) 係由美國戰艦USS Omaha於2019年7月15日,喺美國聖地牙哥附近嘅海面上拍攝,該知當時海面上係有至少14隻同類UAP,每隻直徑至少六尺,速度最高可達138海節,即約254km/h。Jeremy Corbell特別提到UAP「進入」水底之後,USS Omaha嘅雷達無法追蹤其位置,而美國派出潛艇搜索後亦沒有發現任何殘骸。

據英國《每日快報》報導,五角大樓方面已經承認片後的確來自軍方,而華盛頓分析員Tom Rogan接受《每日快報》訪問時亦特別提到,該UAP係喺水底下都能夠達到「過百海節」嘅速度,而目前人類潛艇有紀錄嘅最高速只係數十海節,而且潛艇明顯地唔識飛。

暫時未知美國軍方會否於6月公開嘅報告中透露更多詳情。

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025