幪面超人帝騎喺故事入面可以話係最強嘅幪面超人，佢可以幻化成以往唔同嘅幪面超人，獲得其力量及能力。而憑住終極變身器，佢仲可以變身成「超帝騎」，同時擁有10位幪面超人嘅超級力量。

不過，「超帝騎」嘅造型卻被一眾粉絲嫌棄，因為實在係太過「前衛」(好聽啲講)，難以令人接受，甚至被粉絲改了「神主牌」型態嘅綽號，因為佢夠膽死神10位幪面超人嘅卡牌就咁放喺心口，實在太樣衰。

但估唔到嘅係，一山還有一山高，喺今年2月推出嘅外傳作品《RIDER TIME 幪面超人時王 VS DECADE / 7人的ZI-O！》入面，帝騎運用全新道具「K-Touch 21」變身，令佢再進化成為完全型態。完全型態令帝騎能力擴充至 ZERO-ONE，造型上則頭頂、胸口、雙肩甚至是披風都貼滿一共 70 張嘅幪面超人卡片...

呢個型態真係堪稱一絕，而BANDAI SPIRITS近日更為呢個型態嘅帝騎推出新模型『S.H.Figuarts』，作為幪面超人Fans嘅你會唔會想將佢收藏呢?