由見里朝希編劇及執導的電視動畫《天竺鼠車車》，憑住極為可愛嘅人設…應該係「鼠」設，加上令人療癒嘅劇情深得成年人喜愛，喺日本更加係紅極一時。所以喺12集TV動畫播完之後，黎緊就會有電影版！

放心，《天竺鼠車車》電影版並非通常都係伏嘅真人版、亦唔係電腦動畫重製——嚴格上套戲直頭唔可以話係「新作」，因為呢套將於7月22日於日本上映、名為《とびだせ！ならせ！ PUI PUI モルカー》嘅電影，實際上只係一次過播返《天竺鼠車車》嘅12部電視動畫。再睇睇《天竺鼠車車》每集都唔夠三分鐘，即係12集加埋大概半個鐘就會睇哂。

不過，電影版會有3D甚至MX4D版本，而且入場仲有機會得到馬鈴薯等天竺鼠車車嘅發聲波波，可以一路睇一睇Pui Pui Pui Pui。