{ SKIP }
文:MenClub 艾力克  
POSTED ON 08 Jun 2021

早前《Cyberpunk 2077》開發商CD Projekt Red(CDPR)慘遭黑客入侵,偷出大量遊戲未公開內容以及公司內部文件,由於CDPR堅拒交付贖金,近日黑客就將所有資料公諸於世。有眼利嘅網友就發現《Cyberpunk 2077》原始碼原來暗藏一系列審查用標籤,例如色情、血腥、毒品等等,不過最有趣嘅係CDPR竟然用「WinnieThePooh(小熊維尼)」代稱中國專用審查標籤,唔通CDPR今後要絕跡於中國市場?

(圖片截自:reddit

當黑客公開所有資料後,隨即引嚟一眾充滿好奇心嘅網友下載檢閱,有Reddit網友就發現《Cyberpunk 2077》原始碼好多可疑嘅地方,當中就包括色情、裸露、毒品、血腥等等審查用嘅標籤,其中針對中國審查專用嘅標籤,竟然用上「WinnieThePooh」,又可能驚其他同事唔知咩嚟,所以附上「China」一字做註解。

其實CDPR都唔係第一次涉嫌「辱華」,由於《Cyber​​punk 2077》故事係基於一套名為《Cyber​​punk 2020》嘅Board Game改編而成,而根據《Cyber​​punk 2020》背景設定,台灣定義為一個獨立國家。當時就有中國網友喺微博大肆宣揚遊戲「辱華」,並指有骨氣嘅中國人應該罷玩抵制,不過就冇法撼動各位中國機迷對《Cyber​​punk 2077》嘅期待,更有網友反過嚟叫大家要自信,遊戲歸遊戲,唔好成日自卑帶風向,最終成功渡過「辱華」風波。

《還願》其中一張符咒上嘅紅印暗藏「習近平小熊維尼」呢7隻字。

雖然《Cyber​​punk 2077》冇喺中國上架(中國玩家玩嘅都係水貨或翻牆下載),但CD Projekt(CDPR母公司)一直同中國保持良好關係。之前台灣遊戲《還願》就因為遊戲內一張符咒圖片暗藏「小熊維尼」而被指影射中國領導人及辱華,隨即遭到中國全面封殺。當時CD Projekt旗下遊戲平台GOG都好「識做」咁將《還願》即時下架以示尊重。唔知今次原始碼事件,CD Projekt又會點樣拆呢?如果冇合理解釋,或者會同《還願》下場一樣,絕跡於中國市場。

資料來源:thegamerreddit
新海誠經典動畫《秒速5厘米》,憑藉細膩嘅情感描寫及唯美畫風,在無數影迷心中留下深刻印象。如今,呢部動畫將改編成一部兩小時真人版電影,並請來山崎將義重新演繹經典主題曲《One more time, One more chance(真 ...
hobby
【影視】《秒速5厘米》真人版電影預告出爐 今年10月10日在日本正式上映
07 Jul 2025
由《鋼之鍊金術師》作者荒川弘創作、2021年開始連載嘅《黃泉雙使》(黄泉のツガイ)日前在「Anime Expo 2025」活動上正式宣布改編電視動畫!並同步公開特報影片、製作團隊及首張海報,令人期待! iframe width= ...
hobby
【動漫】荒川弘人氣作品《黃泉雙使》宣布動畫化!同樣由《鋼鍊》動畫工作室BONES操刀
07 Jul 2025