一般來講奇奇怪怪的文具好似都係日本人專利，但其實外國人都有真心膠。美國有間創意生活用品公司就推出彷真雞蛋擦膠，包裝同外型都似到十足十真雞蛋，切開更有趣，裡面真係一如烚蛋有蛋白同蛋黃！同廠仲有推出同樣彷真的牛油果擦膠，如果我仲係學生，肯定買返一排擦膠雞蛋返學校用，小息最好切開一片片做蛋沙律碎蛋擦膠，10蚊美金真抵玩！

今次介紹有趣的玩意由美國一家創意企業FRED所推出的文具，真係一粒擦子膠！大家一睇就明這玩意玩緊咩野！正正就是擬真扮雞蛋。

除左裡裡外外都係百份百雞蛋造型，蛋內裡仲細膩分明分開蛋殼、蛋白和蛋黃三個層次，而包裝都係完美超級市場雞蛋的包裝蛋盒，一盒四隻蛋四粒擦膠。如果切開一塊塊切片，肯定有人以為真正雞蛋 ，分分鐘食左都唔知！

如果你嫌雞蛋太真，廠方仲另有牛油果擬真擦膠，同樣像真度高十足十牛油果內裡仲要有果核，想要更多奇異文具Fred都有設計供應，有興趣可去佢地網點自購。