睇波唔知你會去邊度睇，無論喺屋企定出去酒吧睇，如果睇得投入當然都一樣好睇。不過，如果身處一個充滿運動氣息嘅地方睇波，唔知會唔會睇得更加投入同刺激緊張呢?

英式酒吧King’s Arms近日於東涌開幕，佢地將典型英式運動氛圍帶入呢個社區。酒吧裝潢以傳統英倫風為主，環境氣氛輕鬆，牆上掛滿唔同嘅相框裝飾，相框入面包括多位著名英國運動員、歷史人物、英國地標以及英國殖民時期嘅美好回憶。另外，現場亦配備多個屏幕比你任何角度可以睇到比賽，兼具仲有足球機比你大顯身手。

食品方面King’s Arms主要提供英式傳統美食，好似英式全日早餐、英式燉牛肉配薯蓉等，而必定要試嘅就當然係佢嘅招牌牧羊人批，當然仲有多樣揉合西方及東方風味嘅酒吧食物，以及超過60款精選啤酒，等你可以一路睇波，一路品嚐美食及把酒暢談。

黎緊東京奧運可以約埋三五知己，一齊Chill住支持下一眾香港嘅運動員！