{ SKIP }
文:MenClub 魏文青  
POSTED ON 19 Jul 2021

南韓流行文化近年橫掃全球,就算你對韓國劇、綜藝以至K pop再冇興趣,你都一定知道咩係「Oppa/歐巴」。而北韓領導人當然都知咩係「Oppa」,而且仲覺得呢隻字非常危險,所以最新頒布一系列反南韓流行文化措施,例如禁止人民講「Oppa」,違者要坐監甚至被判死刑。

《Gangnam Style》中就有一句「Oppa Gangnam Style」

據英國《BBC》引述北韓官媒《勞動新聞》報導,北韓近日推出一系列新法例,主要係禁止人民講南韓流行用語、仿傚南韓偶像團體的髮型、說話方式等,強制北韓人民用返以平壤方言為本嘅北韓韓文。而所謂「南韓用語」仲包括「Oppa」(오빠,女性對年紀較大的男性熟人的稱謂,對男朋友以至老公亦可以用)、「男親」(남친,全寫남자 친구,即男朋友) 等韓劇常用稱謂。

假若被發現違法以上法例,北韓人民將面臨監禁甚至死刑。

其實北韓防範南韓文化入侵都唔係咩新鮮事。今年5月時北韓領導人金正恩亦曾下令禁穿緊身或破洞牛仔褲、短裙、染髮、穿環等行為,違者直接送入勞改營。

據BBC北韓大學院大學教授Yang Moo-jin指,由於金正恩曾於瑞士讀書,所以非常明白南韓文化以至西方文化能夠輕易滲入年輕人之中,並對社會主義社會造成負面影響,所以及早下令禁止以防止未來產生更大問題。

資料來源:BBC

預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025