{ SKIP }
文:MenClub 魏文青  
POSTED ON 20 Jul 2021

早年香港嘅夾公仔機鋪開到一街都係,唔少人亦沉迷於呢個既考技術又考運氣嘅消閒活動。不過有夾過嘅都知道,夾公仔可以夾極都唔中,非常燒錢,SEGA美國近日因為夾公仔機嘅機制而被索價500萬美金。

夾公仔界中有個術語叫做「保夾」,亦即只要你累積入夠某一個金額,個夾就會突然變得非常大力,令大家成功夾到嘅機會大增,反過黎講就即係如果唔係「保夾」,夾到嘅機率就會變得非常低。

美國一名叫做Marcelo Muto嘅玩家就向法庭控告美國SEGA誤導客人,話佢哋嘅「Key Master」夾公仔機宣稱「純考技術」,但由於「保夾」機制嘅存在,實制上就係防止玩家成功夾到。控方指如果知道夾公仔機會限制夾到嘅機會,客人根本就唔會畀錢、至少唔會畀咁多錢去玩,所以控告美國SEGA誤導顧客並索儐500萬美金。

今次並非同類型嘅夾公仔機於美國第一次被控告。2019年時亞利桑那州州檢察長就發現Key Master嘅機制違反該州法例,「亞利桑那州法例,禁止賭場之外的任何遊戲機,擁有令經營者能影響玩家勝出機率的機制」。最後一間於當地批發Key Master的公司賠償100萬美金。

8月25日上映嘅《明日戰記》號稱香港影業史歷年最大規模製作,亦大概係今年,甚至係近幾年最令人期待嘅香港電影,而同樣黎自香港嘅著名人偶廠Hot Toys亦將會推出《明日戰記》嘅珍藏人偶,而且一推就有兩款,分別係古 ...
hobby
【玩物】Hot Toys出《明日戰記》古天樂 劉青雲人偶
05 Aug 2022
有冇人知「不如一槍打死我」英文係咩?
hobby
【影視】荷里活版《喋血雙雄》主角出爐!黑人影星Omar Sy加盟演出
05 Aug 2022