{ SKIP }
文:MenClub 摯樂  圖:互聯網
POSTED ON 04 Aug 2021
【未來遊戲方式】走向雲端遊戲體驗Xbox Stream Box串流盒原型被流出

Xbox的雲端遊戲夢即將開展,唔知大家認為打機可唔可以Netflix月費式運作,原本想今年底就開始試行的Xbox Stream Box近日就被爆料流出,Twitter用戶 @PostUp_bbb 流出疑似係Xbox Stream Box的原型機圖片同資料,總之就係一個盒仔Box連接電視就可以通過雲端串流服務打機,同Xbox Series X 和 Series S 一樣,Xbox Stream Box支援任何Xbox遊戲控制器甚至無線滑鼠同鍵盤,當然仲可以當一般TV box咁安裝軟件串流睇HBO 和 Disney+ 甚至日本AV,未來高端遊戲機如果變革成功,其實最終只需要登入同畀錢,當中以課金畀錢為最重要!



睇返呢個 Twitter 用戶 @PostUp_bbb 發出疑似 Xbox Stream Box 串流盒的原型機圖片和資料。本屬今年初設計原型,不過如今又有所改變。微軟原打算今年底發表,但就因為全球晶片供應短缺而無法如期。Xbox Stream Box 盒仔細細只比一副撲牌大少少,連上電視機即可通過xCloud 串流服務打機玩Xbox 遊戲。當然暫時無人可以肯定主機 Xbox Series X 和 Series S 高達 120FPS的畫面播放速率換落Xbox Stream Box甚至未來網絡登入遊戲時速度體驗會唔會做得到。但整個概念就係方便同虛擬化。暫時知道Xbox Stream Box 支援 Wi-Fi 或有線連接網路,有 Party Cat 功能,可以通過軟件安裝睇到唔同串流播放公司的串流影片包括Netflix, HBO 和 Disney+ 等等。話說微軟開發 Xbox Stream Box 初心係要介所有人都可以使用 xCloud 玩 Xbox 遊戲,早前 6 月微軟曾經表示正同電視機生產商合作,將 Xbox 遊戲體驗帶到連網的智能電視機。可以肯定美國同日本的遊戲機製造商可能行緊完全唔同的路向。


打機的未來係唔係單單係遊戲同打機,遊戲主機仲有無存在的意義?短期可以肯定,大家都依然會追求實實在在買一台主機放係家中打機,登入的雲端遊戲從技術到執行運作同需要更多時間的印證,不過當年聽開Walkman的發燒友又何來相信幾年時間,雲端音樂發展到咁成熟咁龐大方便?





繼《超級瑪利歐兄弟大電影》大獲成功及《薩爾達傳說》真人版電影計劃公開後,任天堂並無打算停低腳步,正準備將更多經典角色搬上大銀幕! 據外媒《IGN》報導,任天堂同環球影業最近為一部名為《Untitled Do ...
hobby
【影視】大金剛有望登陸大銀幕擔正主角?任天堂與環球影業註冊《Donkey Kong》電影項目
15 Jul 2025
《龍珠》嘅歷史悠久,代表相關嘅衍生作品,例如遊戲亦非常多。如果你一個Fans,或者會覺得要同時追N隻Game有啲麻煩,但有好多隻Game就同時亦代表有好多「週年紀念」及相關官方活動。好似近日《龍珠》嘅官方X繼今年2 ...
hobby
【動漫】龍珠手遊7週年 官方X抽悟空及菲利衣裝
15 Jul 2025