Asics一直係跑鞋界嘅最佳選擇之一，特別係其腳型非常適合亞洲人。而喺1986年，Asics推出第一款用上GEL緩震膠技術嘅鞋款GT-II，而黎到今日已經係35周年。ASICS Footwear Developer，Kazuki Toba 近日以元祖鞋款為藍本，並配合更新，推出2021年版GT-II，向傳奇鞋款致敬。

今次新版GT-II再次呈現元祖配色，以白、藍配色示人，而無論係鞋面設計或鞋身貼合性，都忠於原版。鞋面方面，新版改以回收物料製造，令GT-II具可持續性。GT-II 最令Kazuki Toba喜愛嘅係其腳踝剪裁，令佢保持傳統線條美嘅同時，亦都可以走出經典，體現全新嘅生活態度。

唔知大家知唔知GT呢個名點黎，作為Asics全球首款採用 GEL 緩震膠技術嘅跑鞋，「GT」其實係源自於高性能跑車 GRAND TOURER，著左呢對跑鞋會唔會就同跑車一樣跑得咁快呢?!

而宜家Asics終於有自己網店，各位跑手可以足不出戶就買到鞋啦！

ASICS HK 網上商店 : asics.hk/zh-tw