{ SKIP }
文:MenClub 魏文青  
POSTED ON 10 Aug 2021

我知大家一見到條題就會話,「夏天著白色囉使你講咩!」啱!但你係咪諗住成個夏天都係著白色衫?喺白之外,究竟著咩色衫先係最涼爽……應該係最「唔熱」?日本就有研究員做咗個實測,測試咗九種顏色衫於太陽直射下嘅表面溫度。

日本國立環境研究所嘅高級研究員一ノ瀬俊明早前做咗個實驗,搵黎9個假人,穿上黑白紅藍綠灰紫黃青九種顏色嘅Polo恤,再於30度嘅室外曬咗5分鐘太陽,然後用感溫攝影機紀錄每件衫嘅表面溫度,結果就「毫無驚喜地」發現白色衫真係最抗熱,曬咗5分鐘依然保持大約30度嘅表面溫度,以及黑色衫真係最吸熱,曬咗五分鐘表面溫度就高達50度。

撤除呢兩個「阿媽係女人」嘅結果,更有趣嘅就係其他顏色嘅表現。其中黃色衫嘅抗熱力僅次於白色衫,曬五分鐘後只係升咗一兩度,然後就係灰色及紅色,但都已經升到40度嘅範圍。

特別要留意嘅係,綠色嘅吸熱能力非常高,尤其係深綠色嘅吸熱能力係「媲美」黑色,最高達到50度以上,與白色相距20度。一ノ瀬俊明指,太陽光除咗有可見光 (即係彩虹七色),其實仲有大量嘅紅外光,而綠色就非常吸紅外光——亦係植物點解會係綠色嘅原因——所以著綠色衫就會非常熱。

資料來源:News.livedoor.com

因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024
冇Johnny Depp嘅《魔盜王》仲能唔能夠吸引觀眾入場呢?
hobby
【影視】《魔盜王》系列確定重啟!監製:我們不需等待某些演員回歸
27 Mar 2024