估唔到香港電影界都可以咁「激」，最近安樂影片唔止引入超級禁忌同性電影《聖慾》(Benedetta)仲將其完全破禁的超大膽海報放落各大社交平台宣傳，引發網民熱議！神奇在於Facebook至今未有禁止！電影由荷蘭性色大師保羅韋浩雲 （Paul Verhoeven）執導，講述意大利文藝復興時期修道院修女真人真事同性戀情慾故事，宗教背景加上大量裸體和性愛場面，甚至傳說有木頭製的聖母瑪利亞像自慰橋段，因此全球面臨好多「褻瀆」的質疑，你話呢套戲「激」唔激先？

性色大師名導演保羅韋浩雲（Paul Verhoeven）拍過《本能》，2016年憑《烈女本色》得到金球獎最佳外語片今次呢套極度禁忌之作《聖慾》入圍康城影展主競賽單元，故事改編自真實事跡源自歷史上一段修女禁忌之戀，肯定係今年度最受爭議法國電影，完全挑戰宗教底線！而家張海報仲挑戰埋Facebook貼圖底線！由兩大美女《浮沉大叔》、《烈女本色》的維珍妮愛菲亞 Virginie Efira交配上柏林影后《緣來他不夠愛我》的夏綠蒂藍萍，如無意外將於9月9日香港上映，可以講得上係香港電影界的聖愛大解放，睇呢套戲內衣褲都可以唔著，唯獨口罩仲要帶住！

《聖慾》故事講述17世紀的意大利，一位由Virginie Efira飾演的女修女聲稱自己經歷左神蹟異象，不單產生幻視，更係身上出現有如耶穌基督被釘上十字架後的聖痕。然而，經梵蒂岡神職人員深入調查此事後，認為一切都係編造出來的謊言，而女主角因此失去左神的恩寵。面對被信仰背棄、眾人的鄙夷，另一位夏綠蒂藍萍飾演的修女安撫左主角的內心，並陪伴在測，親密的陪伴讓兩個女人之間產生左超越肉體的曖昧關係……