較早前，adias推出全新4DFWD跑鞋最新配色及全新4DFWD Pulse跑鞋，並成功邀請現時香港最受歡迎嘅Mirror成員Ian、Anson Kong及Lokman一齊感受新鞋落地。

自2017年，adidas同矽谷科技公司Carbon 共同研發4D中底技術，結合運動員數據及精準嘅3D打印技術Digital Light Synthesis™，令跑者每一步都保持最精準嘅表現。而最新推出嘅4DFWD中底係從500萬組網格結構中篩選出嘅完美幾何設計，比上一代 4D中底提升300%向前推進力，跑步嘅感覺好似腳踏輸送帶咁；同時增強23%緩震性能，落地一刻緩解瞬間衝擊力；鞋身減少11.8%重量，令跑者負重更少。

4DFWD今次最新嘅兩款配色：型格黑色作主調，配搭螢光綠色外底、後跟、鞋帶及鞋舌標誌細節，鞋側配上幻彩反光三間；簡約白色為主調，鞋側綴以黑色三間標誌，易於配搭。PRIMEKNIT編織鞋面則完美包覆雙腳，透氣又輕巧，支撐度及舒適度十足。

同步推出嘅仲有全新4DFWD Pulse跑鞋，新鞋具有4DFWD中底性能同時加入獨特傾斜角度鞋跟支架設計，傾斜角度令跑者步伐更輕鬆。四款配色包括：白色配搭螢光粉紅色、黑色配搭螢光綠色、白色配搭黑色細節，純黑配搭白色細節。

adidas 4DFWD及4DFWD Pulse跑鞋部分採用高性能再生環保物料Primegreen製成，貫徹adidas可持續發展的環保再生計劃及願景，為地球出一份力。