隨住Marvel電影《尚氣與十環幫傳奇》即將喺9月2日上映，香港著名玩具品牌Hot Toys率先推出兩位主角「文武」及「尚氣」1：6比例珍藏人偶，大家最關心嘅當然係偉仔嘅還原度高唔高！雖然睇落係認得出影帝梁朝偉，但有人又話似演員李子雄，咁究竟係人偶還原度唔夠高，定抑或係兩位生得似樣呢？

今次作品高約28cm，全身多達30個可動關節，身穿黑藍色嘅十環幫服裝，腰間配有一條具十環幫標誌嘅護甲腰帶受及布製裙甲，並精細還原出兩邊肩甲及裙甲嘅雕刻花紋。而頭雕部份可以見到頭髮同皮膚紋理都有唔錯嘅還原度，配上冷酷又凌厲嘅眼神更顯「文武」神韻。

大家覺得究竟係邊個似邊個呢？

資料來源：Hot Toys