現年54歲嘅Vin Diesel憑主演電影《Fast & Furious（狂野時速）》系例走紅，最新一集《Fast & Furious 9》更全球大收7.1億美元票房，其光頭肌肉硬漢形象深入民心。不過，最近有記者就影到喺意大利度緊假嘅Vin Diesel，身材從六嚿精壯腹肌變成一個大肚腩，同過往形象大相逕庭。

目前處於休息期嘅Vin Diesel，日前攜同女友Paloma Jiménez喺意大利小鎮Portofino登上豪華遊艇出海享受度假時光，期間被狗仔隊影到佢身材大走樣，仲要一邊玩電話一邊托住個大肚腩，隨即引起網民嘩然。

其實以Vin Diesel嘅年齡，能夠Keep到咁嘅身形已經好勁，況且唔使拍戲嗰陣放縱一下都好正常，只不過因為同過往形象反差太大所以引起熱議。考慮到佢有份主演嘅《阿凡達2》已經拍完，以及《Guardians of the Galaxy Vol. 3（銀河守護隊3）》只係幫角色「Groot」配音，佢應該有排都唔使修身住，可以好好享受鍾意食咩就食咩嘅日子！