見到Robert De Niro（羅拔迪尼路）、Morgan Freeman（摩根費曼）、Tommy Lee Jones（湯美李鍾斯）呢三位元老級奧斯卡影帝嘅大名，真係講句「細細個就睇佢做戲」都唔過份！今次佢哋將會拋開影帝包袱，同台出演爆笑喜劑《The Comeback Trail（荷里活有個耆福黨）》，預計今年10月7日上映。

憑住出演《The Godfather Part II（《教父續集）》走紅嘅Robert De Niro，近年一改舊有形象轉戰喜劇，今次仲搵嚟同樣係元老級嘅Morgan Freeman以及Tommy Lee Jone助陣，一齊向觀眾展現搞笑嘅一面，唔知會刷出啲咩火花呢？

劇情講述曾經風光一時的荷里活監製Max Barber（羅拔迪尼路 飾），憑住三吋不爛之舌多次說服金主投資開戲，可惜新片票舫失利，令佢欠下黑幫金主Reggie Fontaine（摩根費曼 飾）巨債，需要諗盡計仔籌錢還款。於是Max Barber靈機一觸，決定用開拍新戲之名，邀請過氣動作巨星Duke Montana（湯美李鍾斯 飾）擔任男主角，並諗住喺拍攝期間製造意外將佢殺死，從而詐取鉅額保險金。雖然Duke Montana睇落垂垂老矣，但實情就寶刀未老，多次完成Max Barber所設計嘅死亡特技...