講到足球界嘅「險簽」，相信唔少人都會第一時間諗起前阿仙如領隊雲加，但其實另一名殿堂級主帥費格遜嘅26年曼聯領軍生涯中，亦有唔少「險簽」球員。日前佢接受訪問時就再次說起英格蘭著名球星加斯居尼 (Paul Gascoigne)，並表示當年未能簽下佢係佢最大嘅遺憾。

 (網上圖片)

費爵爺日前接受《UTD Podcast》訪問時，被問到領軍最遺憾冇簽到嘅球員。費爵爺首先就話，當年球迷講咗好多年嘅荷蘭中場史奈達，「其實我哋對他從未有過興趣。我都唔知大家啲消息喺邊到黎。」咁既然從未諗過簽，當然就唔算係遺憾。「實際上，唯一一個我經常會諗起嘅球員就係加斯居尼。佢係絕對地非凡。我覺得如果當年簽咗佢，佢會有更好嘅職業生涯——唔係話佢依家唔好，但同我哋一齊就會更好。」

 (網上圖片)

當年效力於紐卡素嘅加斯居尼年被譽為英格蘭超新星，曾於1990年世界杯準決賽領到黃牌，需於下場停場後痛哭而令其聲名大噪。加斯居尼於1988年球季後曾經無限接近加盟曼聯，結果卻轉投熱刺。後來因為傷患、紀律、酗酒、狀態等問題而令表演逐年下滑。費爵爺指：「我們隊中有數名Geordies (東北倫敦地區，亦即加斯居尼成長地)人，例如Robson、Bruce與Bobby Charlton。Sir Bobby會係加斯居尼嘅好導師。而他當年亦答應加盟，於是我就去放假。」

結果因為熱刺方面願意送一間價值8萬鎊嘅屋畀加斯居尼嘅媽媽，結果佢選擇轉投熱刺。「我唔能夠相信，」費爵爺指，「佢係一個非凡的球員。」