依家市面上有無數咁多款Board Game，但喺我哋細個嘅時候，Board Game基本只有兩款，一款係大富翁，另一款就係地圖上面有個轉盤、以人生為主題嘅生命之旅。而日本Nissan汽車為咗推廣新出嘅混能車「KICKS e-Power」，竟然整咗一個全長500公里，由橫濱玩到京都嘅「真人生命之旅」，仲免費送埋你去玩！

Nissan推出嘅呢個「真人版生命之旅」以「豐富人生」作為口號，實際上就係參照江戶時代浮世繪《東海道五十三次》，於橫濱到京都搵咗53個景點，當中包括水族館、跳傘、熱氣球、溫泉、坐禪、整陶瓷、食好西、打卡位之類嘅活動，構成一個55「格」嘅地圖。而被參加抽獎又被抽中嘅，就會坐上「KICKS e-Power」，再用車入面嘅平板電腦黎轉輪盤，再按得出嘅數字前進，踩中啲咩就會玩啲咩，預計整個行程要玩3日2夜，重點係：全程由Nissan埋單！

部份活動、景點

當然，身在香港嘅我哋就肯肯定冇份參加，不過佢本身名額都只有兩個 (各帶一個親友)，有份參加都唔慌會抽中。不過日本Nissan就好貼心咁整咗個，真Board Game出黎等大家自己印出黎玩，叫做望梅止渴咁啦。

資料來源：Nissan